Listahátíðin Vaka á Akureyri í júní

Listahátíðin Vaka verður haldin á Akureyri daga 10.-13. júní. Á Vöku koma frá tónlistarmenn og dansarar frá Íslandi, Englandi, Skotlandi, Wales, Ástralíu, Svíþjóð, Finnlandi, Danmörku og Armeníu.

Haldnir verða margir tónleikar og danssýningar með 150 tónlistarmönnum og dönsurum á fjórum dögum og einnig verða opnaðar þrjár handverks- og heimilisiðnaðarsýningar.

Miðstöð hátíðarinnar verður í Deiglunni, þar verður alltaf heitt á könnunni og skemmtilegt fólk að spjalla við. Þar fer miðasalan fram og sala á geisladiskum listamannanna, handverki og minjagripum og þar verða handíðasýningarnar, tónlistarnámskeiðin og síðdegistónleikar.

Kvöldtónleikar verða á Græna hattinum 11. og 12. júní; þar verður spilað, sungið og djammað fram á nótt.  Lokahófið fer fram í Sjallanum laugardagskvöldið 13. júní en það verður einstök skemmtun með tónlist og dansi.

Nánari dagskrá má sjá hér.

dsc_0235