Lík fannst í Núpá eftir mikla leit

Laust eftir hádegi tilkynnti áhöfn þyrlu Landhelgisgæslunnar að búið væri að finna lík í Núpá við Fossgil. Líkið er talið vera af piltinum Leif Magnus Grétarssyni Thisland sem saknað hefur verið frá því á miðvikudagskvöld. Aðstandendur hans voru upplýstir, sem og norska sendiráðið á Íslandi.  Rétt fyrir klukkan 15:00 í dag, var lögreglan upplýst um að björgunaraðilar á vettvangi væru búnir að ná líkinu upp úr ánni og var það flutt til Akureyrar með þyrlu. Lögreglan á Norðurlandi eystra greindi frá þessu í dag.

Mynd frá Lögreglan á Norðurlandi eystra.