Það hefur verið nóg um að vera á Ljóðasetri Íslands á Siglufirði þessda vikuna og vel mætt á hina daglegu viðburði sem í boði eru. Írska ungskáldið Stephen De Burca flutti nokkur ljóð sín á dögunum, félagar úr kvæðamannafélaginu Rímu kváðu fyrir gesti, Sigurður Skúlason leikari og Þórarinn Hannesson tónlistarmaður fluttu gestum ljóð úr Þorpinu eftir Jón úr Vör í tali og tónum og í gær mætti Eva Karlotta Moritz Einarsdóttir með gítarinn og heillaði gesti með spili og söng. Klukkan 16 í dag mun Páll Helgason flytja nokkur ljóð.
Heimild og myndir: Ljóðsetur Íslands.