Leikskólabarn á Akureyri greindist með covid

Laugardaginn 7. nóvember sl. greindist barn af leikskólanum Pálmholti á Akureyri með Covid-19. Þar af leiðandi þurfa 40 börn af tveimur deildum, sem voru innan sama sóttvarnarhólfsins föstudaginn 6. nóvember, að vera í sóttkví til 20. nóvember. Þetta nær einnig til 10 starfsmanna í Pálmholti. Sýnataka hjá þeim sem eru komnir í sóttkví fer fram föstudaginn 13. nóvember.

Unnið er í nánu samstarfi við smitrakningarteymi sóttvarnalæknis og var húsnæðið sótthreinsað í gær. Að öðru leyti er hefðbundið leikskólastarf í Pálmholti í dag, mánudaginn 9. nóvember.