Leikritið Barið í brestina á Króknum

Næstkomandi sunnudag, 26. apríl frumsýnir Leikfélag Sauðárkróks gamanleikinn Barið í brestina. Leikritið er skrifað af Guðmundi Ólafssyni og var það upprunalega sýnt af Leikfélagi Ólafsfjarðar árið 2001.

Sögusviðið er sambyggð heilbrigðisstofnun og elliheimili og fá áhorfendur innsýn inn í líf starfsmanna og vistmanna, en auk þess ber á góma færeyskur knattspyrnumaður og magaskoðunartæki.

15 leikarar eru á sviðinu, en alls koma um 30 manns að sýningunni. Leikstjóri er Þröstur Guðbjartsson.

Frumsýnt verður sunnudaginn 26. apríl á opnunardegi Sæluviku Skagfirðinga, en Leikfélag Sauðárkróks hefur sett upp sýningu hverja Sæluviku undanfarin 73 ár. Sýningin hefst kl. 20 og er sýnt í Bifröst við Skagfirðingabraut.

Sýningarplan er eftirfarandi :

  • FRUMSÝNING sunnudag 26/4 kl. 20
  • 2. sýning þriðjudag 28/4 kl. 20
  • 3. sýning fimmtudag 30/4 kl. 20
  • 4. sýning föstudag 1/5 kl. 17
  • 5. sýning sunnudag 3/5 kl. 20
  • 6. sýning þriðjudag 5/5 kl. 20
  • 7. sýning fimmtudag 7/5 kl. 20
  • 8. sýning föstudag 8/5 kl. 23 (miðnætursýning)
  • 9. sýning laugardag 9/5 kl. 17
  • LOKASÝNING sunnudag 10/5 kl. 20

Miðaverð er 2500 kr. og  fyrir hópa, eldri borgarar og örykja 2200 kr.

Miðasala í síma 849 9434.

IMG_0171 (Large)Texti og mynd: Aðsent efni.