Laddi skemmtir á Siglufirði

Þórhallur Sigurðsson eða Laddi hefur í gegnum tíðina verið okkar ástsælasti skemmtikraftur. Hann hefur gefið okkur fjöldan allan af persónum sem við höfum fengið að njóta og elska, hann hefur samið og flutt mörg af þekktustu lögum íslenskrar tónlistarsögu og komið fram í sjónvarpsþáttum og kvikmyndum. Kvöld með Ladda verður haldið á Allanum Siglufirði, föstudaginn 4. nóvember kl. 20:00.

Nú er tækifærið að hitta Ladda í návígi, skyggnast á bak við grímuna og heyra hann segja frá ferlinum. Hann mun koma fram ásamt undirleikaranum Hirti Howser, fara yfir persónurnar og lögin, segja frá tilurð þeirra og segja sögurnar sem fæstir hafa heyrt frá honum sjálfum.

Forsala hefst mánudaginn 24. október á Allanum Siglufirði.
Forsöluverð: 2.900,-
Við hurð: 3.900,-

laddi