Málefnasamningur um meirihlutasamstarf Jafnaðarmanna og Sjálfstæðisflokks í Fjallabyggð var samþykktur af fulltrúaráði Sjálfstæðisflokks og félagsfundi Jafnaðarmanna í gær. Fulltrúar flokkanna í bæjarstjórn og nefndum hafa unnið hratt og vel að gerð málefnasamnings og lofar árangur þeirrar vinnu góðu um farsælt samstarf það sem eftir lifir kjörtímabilsins.
Í fyrsta sinn frá sameiningu sveitarfélaganna gegna konur báðum æðstu embættum bæjarstjórnar en Helga Helgadóttur verður forseti bæjarstjórnar og Steinunn María Sveinsdóttir verður formaður bæjarráðs.
