Kláfferja upp á Múlakollu í Ólafsfirði

Verkefnið um Kláfferju upp á Múlakollu í Ólafsfirði var eitt af þeim verkefnum sem hlutu verðlaun í Ræsingu í Fjallabyggð. Helgi Jóhannsson er höfundur verkefnisins, en hann er búsettur á Ólafsfirði og hefur gegn stöðu útibússtjóra í Ólafsfirði síðustu ár og eigandi af Gistihúsi Jóa í Ólafsfirði.  Stofnkostnaður við verkefnið er áætlaður rúmur 1 milljarður króna.

Um er að ræða kláfferju til farþegaflutninga upp á fjallið Múlakollu við Ólafsfjörð. Áætlað er að hún verði u.þ.b. 2 km. að lengd, með tveimur vögnum sem hvor um sig tekur rúmlega 30 manns og það muni taka 6 – 8 mínútur að ferðast með henni uppá kolluna. Útsýni af toppi Múlakollu er frábært, séð er yfir hrikalegu fjöll Tröllaskagans, inn Eyjafjörðinn, Hrísey,  norður að Grímsey og tröllið í norðri, Hvanndalabjarg, sem er hæsta standberg við Íslandsstrendur.
Neðri stöðin verður í 150 metra hæð yfir sjávarmáli og sú efri í 900 metrum. Ætlunin er að ferja fólk allt árið um kring og boðið verður uppá sérstakar miðnætursólarferðir að sumri og svo norðurljósaferðir um haust og vetur.

large_klafur_mulakolla_2_web600 klafur_mulakolla_1_web600Heimild: Fjallabyggd.is