Kennari í Lundarskóla á Akureyri greindist með Covid

Kennari í 1. bekk í Lundarskóla á Akureyri hefur greinst með Covid-19. Nemendur í 1. bekk þurfa því að vera í sóttkví til föstudagsins 6. nóvember ásamt starfsfólki í sóttvarnarhólfinu þar sem kennarinn starfaði. Nemendur í 1. bekk sem voru ekki í skólanum á fimmtudag og föstudag þurfa ekki að fara í sóttkví.  Ekki verður matur í Lundarskóla né Frístund í skólanum næstu viku og einnig þurfa nemendur í 6. bekk að vera heima, í heimakennslu.

Skólastjórnendur eru í nánu samstarfi við smitrakningarteymi um framhald málsins.

Brýnt er að allir sýni ítrustu varúð og setji persónulegar sóttvarnir í algjöran forgang. Notum andlitsgrímur, sprittum og þvoum hendur vel, forðumst fjölmenni og virðum ávallt 2ja metra regluna. Ef vart verður flensulíkra einkenna sem gætu bent til Covid-19 smits, skal hafa samband við heilsugæsluna.

Mynd: Lundarskóli.is