Jólaviðtalið – Kristín Sigurjónsdóttir

Kristín Sigurjónsdóttir er íbúi á Siglufirði og við heyrðum í henni skömmu fyrir jólin til að fá að vita um hennar jólahefðir. Kristín er fædd og uppalin á Siglufirði og hefur lengi haft áhuga á ljósmyndun. Kristín stofnaði nýlega fyrirtækið KS-Art Photography og tekur þar fjölbreyttar ljósmyndir af viðskiptavinum. Kristín lærði listljósmyndun í Menntaskólanum á Tröllaskaga og hefur haldið fjölda ljósmyndasýninga síðustu árin á Tröllaskaga og í Reykjavík. Kristín hefur einnig verið formaður Ljósmyndaklúbbs Fjallabyggðar.

  1.  Hvað finnst þér best við jólin?  Rólegheitin.
  2.  Hvað kemur þér í jólaskap?  Að kúra með elskunni minni og horfa á væmna jólamynd.
  3.  Hvað borðar þú á jólunum?  Aspassúpu eins og mamma gerir, hamborgarahrygg og jólaís.
  4.  Hvað finnst þér ómissandi að gera um jól og áramót?  Facetæma á börn og barnabörn.
  5.  Ferðu í kirkju um jólin?  Já, það er ómissandi að taka þátt í helgihaldinu í Siglufjarðarkirkju.
  6.  Hvernig jólatré ertu með?  Postulínstré sem mamma bjó til.
  7.  Ferðu á brennu um áramótin?  Já, með myndavélina.