Jólaviðtal – Hákon Leó Hilmarsson

Undanfarin fjögur ár höfum við heyrt í íbúum Fjallabyggðar og tekið nokkra þeirra í jólaviðtal og fengið þá til að svara spurningum tengdum jólahátíðinni. Hákon Leó var fyrsti viðmælandinn í ár og þökkum við honum kærlega fyrir að gefa sér tímann í viðtalið.

Hákon Leó Hilmarsson er fæddur árið 1997 og er frá Ólafsfirði. Hann gekk í Grunnskóla Fjallabyggðar, Menntaskólann á Tröllaskaga og Menntaskólann í Kópavogi. Hákon stundar knattspyrnu með Knattspyrnufélagi Fjallabyggðar og vinnur sem bakari á besta bakaríi landsins, Aðalbakarí á Siglufirði. Hákon kláraði sveinsprófið í bakstri í sumar með miklum sóma.

Fleiri jólaviðtöl má lesa hér á vefnum.

Jólaviðtalið – Hákon Leó Hilmarsson

Ertu mikið jólabarn?

Já já ég hef gaman af þeim.

Skreytir þú mikið í ár?

Þetta eru fyrstu jólin sem ég bý ekki hjá foreldrum mínum og komandi af því heimili er ekki til orð yfir of mikið af skreytingum. Ég tel mig vera á byrjunarreit í skreytingabransanum í ár en stefnan er sett hærra á komandi árum.

Hver er uppáhaldsjólaminning þín?

Það mun líklegast bara vera þegar maður var lítill og þurfti ekkert að spá í öllu sem fylgir jólunum, Maður gerði bara jólagjöfina mömmu og pabba í smíðum eða textíl í grunnskólanum og svo var bara að njóta. Það er nokkuð indæl minning og ekkert vesen.

Hvað er ómissandi á jólunum?

Spila Monopoly á jóladag. Ég er ósigrandi í því. Einnig Heimsmeistaramótið í pílu.

Hvert er besta jólalagið?

Snjókorn falla með Jóni Jónssyni. Það er ekki hægt að keppa við hann, því miður fyrir hina.

Hvenær fer jólatréð upp á þínu heimili?

Alls ekki seinna en 1. desember annars er vinnan við að setja það upp ekki þess virði.

Hverjir verða í „jólakúlunni” þinni í ár?

Mamma, pabbi, bróðir og amma.

Hvaða jólahefð  aldrei rjúfa?

Jólahúsið mömmu og pabba. Þeir sem hafa ekki farið í heimsókn til þeirra á jólunum eru að missa að miklu. Ástríðan sem þau leggja í að skreyta er mögnuð.

Verslar þú jólagjafir í heimabyggð, Akureyri, Reykjavík eða á netinu?

Það gleður mig ekkert meira en góð internet verslun.

Horfir þú á einhverja sérstaka jólamynd til  komast í jólaskap?

Erfitt að kalla það jólamynd en Heimsmeistaramótið í pílu kemur mér í jólaskapið öll jól. Jólin koma í Ally pally.

Hvað borðar þú á jólunum?

Hamborgahryggurinn klikkar seint. Algjör óþarfi að breyta einhverju sem virkar.

Myndir úr einkasafni Hákons.

Mynd gæti innihaldið: Hákon Hilmarsson, stendur