Jólaviðtal – Anita Elefsen

Anita Elefsen býr á Siglufirði og er safnstjóri Síldarminjasafns Íslands. Anita hefur meðal annars verið í stjórn Félags um Síldarævintýri og staðið fyrir skipulagningu Síldarævintýris á Siglufirði. Þá hefur hún unnið við markaðssetningu skemmtiferðaskipa sem koma til Siglufjarðar.  Anita er sagnfræðingur og með MA próf í Safnafræði. Við endurbirtum nú viðtal við hana sem við tókum í desember 2017.

Jólaviðtal – Anita Elefsen

 Hvað finnst þér best við jólin?
 
 Að njóta tímans með fjölskyldunni, dunda mér í eldhúsinu, borða góðan mat og taka því rólega. En ég á afmæli annan dag jóla og slæ því tvær flugur í einu höggi yfir jólahátíðina.
 
 Hvað kemur þér í jólaskap?
 
 Það kemur mér ekkert í meira jólaskap en rétta veðrið! Þegar allt er orðið hvítt, veðrið er stillt og Siglufjörður eins og ljósmynd á póstkorti – þá mega jólin koma! 
 Hvað borðar þú á jólunum?
 
 Kalkún og tilheyrandi, eftir uppskrift pabba.
 
 Hvað finnst þér ómissandi að gera um jól og áramót?
 
 Að lesa góðar bækur og fara í kirkjugarðinn og tendra ljós hjá pabba og öðrum ástvinum.
 
 Ferðu í kirkju um jólin?
 
 Nei, ég stend yfirleitt við eldavélina meðan á messu stendur 🙂
 
 Hvernig jólatré ertu með?
 
 Sígrænt frá Skátunum.
 
 Ferðu á brennu um áramótin?
 
 Já, ég hef alltaf farið á brennu. 
Mynd: Úr einkasafni Anitu. Starfsmenn Síldarminajsafn Íslands ásamt Anitu.