Jóladagskrá í Skagafirði um helgina

Þessa síðustu helgi fyrir jól er margt um að vera í Skagafirði.

Í dag, laugardaginn, 20. desember, verður hægt að höggva sér jólatré í skógi Skógræktarfélaganna í Varmahlíð og að Hólum. Ef þú vilt ekki höggva þitt jólatré sjálf/sjálfur þá getur þú keypt jólatré í jólatrjáasölu Knattspyrnudeildar Tindastóls á Eyrinni. Það verður opið í Gallerí Alþýðulist í Varmahlíð, Blóma- og gjafabúðinni, Tánni og Strata, Litlu jólabúðinni á Hótel Varmahlíð og hjá Maddömunum í Maddömukoti. Auk þess verða kynningar um allan bæ, söngur og gleði í jólaösinni. Karlakórinn Heimir syngur í Skagfirðingabúð kl. 16 og á Dvalarheimili aldraðra kl. 17.

Á sunnudaginn, fjórða sunnudag í aðventu verður hægt að fara í rökkurgöngu í gamla bæinn í Glaumbæ og fá sér kaffi í Áskaffi. Það verður bröns í KS Varmahlíð og opið í Tánni og Strata og Blóma- og gjafabúðinni. Á sunnudagskvöldið er svo jólablót í Ásheimi að Efra Ási.

Heimild: skagafjordur.is