Jarðskjálftahrina við Grímsey fannst til Fjallabyggðar

Nokkrir snarpir jarðskjálftar hafa orðið um 12 km norðaustan við Grímsey frá því skjálfti af stærðinni 3,7 varð um hádegisbil í gær. Skömmu fyrir klukkan 03:00 í nótt jókst virkni á svæðinu töluvert en þá varð skjálfti af stærð 4,3 og eftirskjálfti skömmu síðar af stærð 3,4. Rétt uppúr klukkan hálf fjögur urðu síðan tveir skjálftar yfir 4 að stærð með skömmu millibili og voru þeir 4,2 og 4,3 að stærð. Þeim fylgdi síðan skjálfti af stærð 3,5.
Veðurstofunni hafa borist tilkynningar um að stærstu skjálftarnir hafi fundist víða á Norðurlandi, meðal annars Ólafsfirði og Húsavík. Fjöldi minni eftirskjálfta mælist nú á svæðinu.
Öflug jarðskjálftahrina varð á þessum slóðum í febrúar 2018 en þá mældist stærsti skjálftinn 5,2 að stærð.
Almannavarnadeild ríkislögreglustjóra bendir fólki sem býr á þekktum skjálftasvæðum á að kynna sér varnir og viðbúnað vegna jarðskjálfta: