Vélsleðafélag Ólafsfjarðar heldur HELIAIR SNOCROSS keppnina laugardaginn 18. febrúar kl. 12 í Ólafsfirði. Um er að ræða fyrstu umferð til Íslandsmeistara. Keppnissvæðið er innanbæjar á svæðinu kringum tjörnina og sundlaugina í Ólafsfirði.

Önnur umferð til Íslandsmeistara – Skógarböð Snocross verður einnig haldin í Ólafsfirði sunnudaginn 19. febrúar frá kl. 12:00-15:00. Samkvæmt mótaskrá Snjókross á Íslandi stóð til að halda mót nr. 2 á Akureyri helgina 25.-26. febrúar. Þar sem mikið af snjó hefur tekið upp hefur Kappakstursklúbbur Akureyrar óskað eftir því við Vélsleðafélag Ólafsfjarðar að halda þeirra mót  sunnudaginn 19. febrúar í Ólafsfirði.  Keppt verður í sömu braut og fyrri daginn. Keppni stendur frá kl. 12:00-15:00.

Hægt verður að fylgjast með mótinu í beinni útsendingu á netinu.