Ísar ehf lægstbjóðandi endurbyggingu Bæjarbryggju

Í dag voru opnuð hjá Vegagerðinni tilboð í endurbyggingu á Bæjarbryggju á Siglufirði en Hafnarsjóður Fjallabyggðar hafði óskað eftir tilboðum í verkið.  Verkinu skal lokið eigi síðar en 15. júní 2016. Lægstbjóðandi var Ísar ehf úr Kópavogi, en tilboð þeirra var upp á 175.777.000 kr, en áætlaður kostnaður er 166.832.500 kr.

Helstu verkþættir og magntölur eru:

•            Brjóta og fjarlægja kant, polla og þekju á núverandi Bæjarbryggju,  um 205 m.
•            Fylling og kjarni, 22.000 m³.
•            Jarðvinna, uppúrtekt og þjöppun.
•            Reka niður 162 stálþilsplötur og ganga frá stagbitum og stögum.
•            Steypa um 227 m langan kantbita með pollum, kanttré, stigum og þybbum.
•            Grjótgarður, um 60 m langur.