Ísar ehf lægstbjóðandi endurbyggingu Bæjarbryggju

Í dag voru opnuð hjá Vegagerðinni tilboð í endurbyggingu á Bæjarbryggju á Siglufirði en Hafnarsjóður Fjallabyggðar hafði óskað eftir tilboðum í verkið.  Verkinu skal lokið eigi síðar en 15. júní 2016. Lægstbjóðandi var Ísar ehf úr Kópavogi, en tilboð þeirra var upp á 175.777.000 kr, en áætlaður kostnaður er 166.832.500 kr.

Helstu verkþættir og magntölur eru:

  •            Brjóta og fjarlægja kant, polla og þekju á núverandi Bæjarbryggju,  um 205 m.
  •            Fylling og kjarni, 22.000 m³.
  •            Jarðvinna, uppúrtekt og þjöppun.
  •            Reka niður 162 stálþilsplötur og ganga frá stagbitum og stögum.
  •            Steypa um 227 m langan kantbita með pollum, kanttré, stigum og þybbum.
  •            Grjótgarður, um 60 m langur.

 

Bjóðandi Tilboð kr. Hlutfall Frávik þús.kr.
Venus ehf., Reykjavík 350.463.220 210,1 174.686
AK flutningar ehf., Reykjavík 319.963.620 191,8 144.187
ÍAV hf., Reykjavík 240.750.250 144,3 64.973
Ísar ehf., Kópavogi 175.777.000 105,4 0
Áætlaður verktakakostnaður 166.832.500 100,0 -8.945