Illugi tók skóflustungu að viðbyggingu MTR

Í dag föstudaginn 2. september tók Illugi Gunnarsson, mennta- og menningarmálaráðherra skóflustungu að viðbyggingu Menntaskólans á Tröllaskaga í Ólafsfirði. Áætlað er að framvæmdum ljúki í ágúst 2017 og mun byggingin bæta verulega alla aðstöðu nemenda.

Ennfremur undirrituðu ráðherra og bæjarstjóri Fjallabyggðar viljayfirlýsing um leigu ríkisins á viðbyggingu húsnæðisins og gildir sá samningur frá ágúst 2017. Samningurinn er hliðstæður þeim sem nú er í gildi, vegna eldra húsnæðis Menntaskólans.

Fram kom í máli ráðherra að gert hefði verið ráð fyrir fjármögnun þess í langtímaáætlunum og að með þessari byggingu væri stutt við það starf sem fram færi í skólanum og hefði á svo margan hátt skapað honum sérstöðu meðal framhaldsskóla landsins.

large_img_2288 img_2286400px