Hilmar úr KFÓ bætti Íslandsmet á EM í kraftlyftingum

Hilmar Símonarson lyftingakappi frá Kraftlyftingafélagi Ólafsfjarðar Fjallabyggð (KFÓ) raðaði niður Íslandsmetum á EM í klassískum kraftlyftingum í dag.
Hann keppti í -66 kg flokki og endaði í 6. sæti. Hilmar bætti Íslandsmetið sex sinnum á mótinu.

Þetta var fyrsta keppni Hilmars á alþjóðamóti og hann lyfti af öryggi og bætti persónulegan árangur sinn, og um leið Íslandsmetið samanlagt, um 7 kg.
Hilmar lyfti seríuna 185 – 130 – 215 = 530 kg.

Bekkpressan og réttstaðan eru bæði Íslandsmet og “single-lift” met auk þess sem hann tvíbætir Íslandsmetið í samanlögðu.

Til hamingju Hilmar!

Kraftlyftingasamband Íslands greindi fyrst frá þessu á vef sínum.

Mynd með frétt: Kraft.is.