Hilmar Símonarson frá Kraftlyftingafélagi Ólafsfjarðar Fjallabyggð keppti á Bikarmeistaramóti í klassískum kraftlyftingum sem haldið var í Mosfellsbæ. Hann keppti í nýjum þyngdarflokki og sigraði flokkinn sannfærandi. Hilmar vigtaðist 70,6kg í -74kg flokk og á nokkur kíló inni.
Í hnébeygju lyfti Hilmar best 210kg sem er 5 kg undir núverandi Íslandsmeti í nýja flokknum og er það persónuleg bæting hans uppá 12,5 kg.
Þá flugu 135 kg upp í bekk sem er 2,5 kg bæting, 140 kg fóru hratt af stað en gekk þó ekki að lokum.
Í réttstöðu lyfti Hilmar 210 kg og reyndi við 220 kg en vegna áverka eftir hnébeygjuna var bakið búið og lét Hilmar það duga þennan daginn.
555 kg í samanlögðu sem er 12,5 kg bæting fyrir Hilmar og á hann helling inni.
Þá var Hilmar 3. stigahæstur af öllum 25 keppendum á mótinu.
Til hamingju Hilmar!