Hestabeit á friðlandi í Fjallabyggð

Guðný Róbertsdóttir hefur sent inn erindi þar sem hún óskar eftir því við skipulags- og umhverfisnefnd Fjallabyggðar að haldið sé í heiðri þeirri stefnu um friðun Leiranna og votlendisins í Siglufirði sem bæjarstjórn staðfesti árið 1998.  Guðný beinir því til bæjaryfirvalda að leyfa ekki undir neinum kringumstæðum beit hrossa þarna á þessu viðkvæma svæði.  Girðingin sem ávallt hefur verið kringum gamalt ræktarland og náð að hinu eiginlega mýrlendi á Langeyrinni hefur nú verið færð út á friðlandið og afleiðingin er mjög greinileg.
Skipulags- og umhverfisnefnd Fjallabyggðar hefur farið fram á að mörk úthlutaðra beitarhólfa verði virt og hefur falið tæknideild Fjallabyggðar að fylgja málinu eftir.