Helgi Björns syngur á Siglufirði

Hinn landsþekkti söngvari og leikari Helgi Björnsson er að fagna 30 ára söngafmæli um þessar mundir, en það eru 30 ár síðan fyrsta hljómplatan kom út með þessum ástsæla söngvara. Hann hefur verið í hljómsveitum á borð við Grafík, Síðan Skein Sól, Reiðmönnum Vindanna og undir eigin nafni.

Helgi ætlar að fagna þessum tímamótum með 30 tónleikum víðsvegar um landið undir Helgi_plakat_lowresheitinu Kvöldstund með Helga Björns, þar sem Helgi mun rifja upp ferilinn í tali og tónum, segja frá tilurð laganna, rifja upp einhverjar rokksögur og taka fram gamlar poppflíkur og nokkur góð dansspor.

Helgi spilar á Rauðku á Siglufirði, föstudaginn 3. október næstkomandi.

  • Á Græna Hattinum á Akureyri, fimmtudaginn 2. október.
  • Á Kaffi Krók á Sauðárkróki laugardaginn 4. október.