Handverkshátíðin í Eyjafirði

Handverkshátíði í Eyjafjarðarsveit hefst föstudaginn 9. ágúst. Fjöldi nýrra sýnenda er nú líkt og fyrr ár og fjölbreytnin er mikil. Íslenskur hönnuður með  skó unna  úr íslensku hráefni,  munir unnir úr búrhvalstönnum og hreindýrshornum og fjöldi nýrra aðila sem eru með fallega textílvöru. Ekki má gleyma fatnaði skarti, gler, leir og vönduðum vörum unnum úr tré. Á útivsæðinu eru m.a. sölutjöld með matvöru úr íslensku hráefni. Nýjar kartöflur, sultur, saft og söl. Kleinur, brauð og harðfiskur. Fjölbreytt dagskrá fyrir alla fjölskylduna alla sýningardagana.

Félag ungra bænda á norðurlandi bjóða upp á húsdýrasýningu, Búsaga verður með sýningu á gömlum vélum og Bílaklúbbur Akureyrar sýnir bíla af öllum stærðum og gerðum. Þjóðháttafélagið Handraðinn verður með miðaldabúðir. Rúningur , eldsmíði, þrautabraut og börnin í sveitinni koma með kálfana sína á laugardeginum og  keppast um hvert þeirra eigi fallegasta og best tamda kálfinn. Aðgangseyrir er 1.000 kr. fyrir 16 ára og eldri og 500 kr. fyrir eldri borgara og öryrkja og gildir aðgangsmiðinn alla helgina Hlökkum til að sjá ykkur á Handverkshátíðinni

Við hvetjum alla til að fjölmenna á sýninguna svo og í grillveislu og kvöldvöku laugardagskvöldið 10. ágúst. Í ár sér Greifinn um meðlætið og mætir með grillvagninn sinn og aðstoðar Umf. Samherja og Hjálparsveitina Dalbjörgu með glæsilegt grillhlaðborð.
Á kvöldvökunni verða veislustjórar þau Lára Sóley Jóhannsdóttir og Hjalti Jónsson. Þar munu koma fram Óskar Pétursson, Karlakór Eyjafjarðar og nýstirnin Sister Sister sem skipuð er Clark systrunum.
Á heimasíðu hátíðarinnar http://www.handverkshatid.is/ er nú þegar hægt að sjá sýnendur, skipulag svæðisins og fjölbreytta dagskrá sýningarinnar.