Hafa áhyggjur af Heilsugæsluþjónustu á Akureyri

Bæjarráð Akureyrarbæjar hefur lýst yfir áhyggjum af ástandi heilsugæslugæsluþjónustu HSN á Akureyri og krefst þess að ríkisvaldið setji aukið fjármagn til starfseminnar til að bæta aðstöðu og fjölga læknum.
Jón Helgi Björnsson forstjóri Heilbrigðisstofnunar Norðurlands kom á fund bæjarráðs Akureyrar í vikunni og fór yfir málin.

Langir biðtímar eftir þjónustu heilsugæslulækna að undanförnu helgast að stórum hluta af mönnunarvanda, að mati Jóns Helga, þ.e. læknar stöðvarinnar eru of fáir. Starfsaðstaða hefur einnig áhrif á hvernig gengur að manna stöður. Nýtt húsnæði fyrir heilsugæslustöð eða -stöðvar á Akueyri er því mikilvægt skref í að bæta þjónustuna að mati forsvarsmanna HSN. Jón Helgi lýsti einnig áhyggjum af fjármögnun starfseminnar þegar horft er til framkomins fjárlagafrumvarps vegna 2019.