Grunnskólabörn heimsóttu Ljóðasetrið og Síldarminjasafnið

Í morgun fóru nemendur í 1.-4. bekk Grunnskóla Fjallabyggðar frá Ólafsfirði yfir til Siglufjarðar og heimsóttu Síldarminjasafnið og Ljóðasetrið. Á Síldarminjasafninu tóku þær Anita Elefsen rekstrarstjóri og Steinunn María Sveinsdóttir fagstjóri á móti þeim og leiddu þau í gegnum sögu jólatrésins á Íslandi, sýndu þeim gamalt jólaskraut og ræddu við nemendur um jól fyrri tíma. Síðan var lesin jólasaga yfir kakói og smákökum áður en nemendur fengu að skoða safnið. Það var síðan Þórarinn Hannesson forstöðumaður Ljóðaseturs Íslands sem tók á móti þeim og fræddi þau enn frekar um gamla tíma, las fyrir þau sögur og tók með þeim nokkur lög.