Gréta Gísla sýnir í Bergi í mars

Listakonan Gréta Gísladóttir sýnir í Bergi menningarhúsi í mars. Sýningin hennar heitir Lokkar og eru það verk sem hún hefur unnið frá árinu 2017.

Hún segir hér frá sjálfir sér og verkum sínum.

Frá því ég man eftir mér hef ég haft þessa löngun til að skapa og búa til minn eigin heim. Ég var í Danmörku 1999 – 2000 í Kunst- og håndværkshöjskolen Engelsholm og lærði þar m.a. gler- og myndlist. Eftir 

3ja ára nám útskrifaðist ég svo frá Myndlistaskólanum á Akureyri 2011, fagurlistadeild.  Ég hef vinnustofu í gömlu fjósi á kirkjustaðnum Hruna í Hrunamannahreppi. Ég sæki innblástur í umhverfið, náttúruna og fólk.

Ólík form myndlistar eru viðfangsefni mín en málverkið er minn helsti miðill. Skemmtilegast er að reyna við ólíkan efnivið. Ég nota gjarnan blandaða tækni eða mixed media, þannig skapast frekar tækifæri fyrir

tilraunir en í hefðbundinni málaralist. Ég nýt þess að skapa andstæður með litavali, formum og birtu. Nota ýmist olíu eða acryl og mála jafnt á

striga sem viðarplötur.