Göngubrúin á Akureyri vígð

Formleg vígsla nýju göngubrúarinnar við Drottningarbraut á Akureyri fer fram kl. 17.30, fimmtudaginn 23. ágúst og þar verður jafnframt tilkynnt um niðurstöðu dómnefndar um nafn á brúna. Þetta kemur fram á vef Akureyrarbæjar.

Nýir fánar verða dregnir að húni á sjö fánastöngum á brúnni, Lúðrasveit Akureyrar spilar, Karlakór Akureyrar – Geysir syngur og Halla Björk Reynisdóttir, forseti bæjarstjórnar, flytur stutt ávarp. Einnig mun Sigfús Karlsson, varaformaður stjórnar Akureyrarstofu, kynna nýtt nafn brúarinnar.