Skráning stendur yfir í golfmót Siglfirðinga sem fer fram laugardaginn 24. ágúst á Akranesi. Skráningu lýkur föstudaginn 23. ágúst kl 16.00. Þátttökugjald er kr 7.500. sem greiðist við skráningu eða í klúbbhúsinu áður en leikur hefst. Nú þegar hafa 70 kylfingar skráð sig til leiks.
Skilyrði fyrir þátttöku er að vera Siglfirðingur að ætt og uppruna, vera giftur einum slíkum eða eiga önnur sterk tengsl við fjörðinn fagra.
Keppnisfyrirkomulag er punktakeppni og vegleg verðlaun að vanda í karla- og kvennaflokki. Að auki er sigur í höggleik og hlýtur sá aðili nafnbótina Siglfirðingameistari.
Aðeins þeir sem eru í golfklúbbi með löglega forgjöf geta unnið til verðlauna, aðrir leika sem gestir en geta unnið sér inn aukaverðlaun. Hámarksforgjöf er 24 hjá körlum og 28 hjá konum.
Verði tveir einstaklingar jafnir í verðlaunasæti, þá sigrar sá sem er með fleiri punkta á seinni níu holunum. Séu þeir enn jafnir gilda síðustu 6 holurnar og þá síðustu 3 holurnar og þá 18 hola. Ef aðilar eru enn jafnir skal varpa hlutkesti.
Verðlauna afhending í golfskálanum að leik loknum.
Þegar hafa 70 golfarar skráð sig til leiks, og eru nokkrir teigtímar inn á milli lausir, og bætt verður fram við ef þess gerist þörf, en minnt er á að mótsstjórn og klúbburinn áskila sér rétt til að færa keppendur tilt il að þjappa saman og nýta teigtímana betur með að fylla hvern tíma.