Góðverkadagar skátahreyfingarinnar

Dagana 18. – 22. febrúar stendur skátahreyfingin í fimmta sinn fyrir Góðverkadögum um land allt undir yfirskriftinni “góðverk dagsins“.
Góðverkadagarnir eru skemmtileg útfærsla á aldargamalli hefð og loforði skáta um að gera að minnsta kosti eitt góðverk á dag. Hugmyndin er að árlega verði haldnir sérstakir góðverkadagar með virkri þátttöku allra landsmanna.

 

Á heimasíðunni www.godverkin.is  eru allar upplýsingar um Góðverkadagana og þar er líka góðverkadagbókin. Á heimasíðunni geta allir skráð sín eigin góðverk og góðverk sem þeir hafa orðið vitni að. Einnig er hægt að fylgjast með Góðverkadögunum á Facebook síðunni „Góðverk gleðja“.