Gleði á Einni með öllu

Laugardagurinn á Einni með öllu og Íslensku sumarleikunum fór vel fram. Dagurinn einkenndist af glöðu fólki sem tók þátt í fjölbreyttri dagskrá. Mömmur og möffins voru á sínum stað og var viðburðurinn yndislegur að vanda þar sem safnað er fyrir fæðingardeildinni.

Hátíðardagskrá var á Ráðhústorgi þar sem Greifinn bauð börnum í bæinn. Sigyn Blöndal, Steps Dacnce Center og fleiri kættu börn og fjölskyldur. Kung Fu og 1862 Bistro buðu svo til stórtónleika um kvöldið þar sem Birnir, Flóni, Omotrack, Gringlo ásamt öðrum góðum listamönnum skemmti fólki.

Í dag sunnudag er hæfileika keppni ungafólksins sem er ávalt skemmtilegur viðburður þar sem yngsta kynslóðin stígur á stóra sviðið.

Skógardagurinn verður í Kjarnaskóg í dag. Gestir geta tálgað, reynt fyrir sér í bogfimi, poppað yfir eld og margt fleira.

Sparitónleikar Einnar með öllu í boði Pepsi Max eru í kvöld. Sparitónleikarnir eru ávalt stærsti viðburður hátíðarinnar og jafnframt endapunktur. Á tónleikunum koma fram Hera Björk, Emsjé Gauti, Páll Óskar, Dóri KÁ AKÁ, Úlfur úlfur og fleiri. Flugeldasýning og smábátadiskó á pollinum lokar svo tónleikunum.

Allar upplýsingar um dagskrá helgarinnar má finna á www.einmedollu.is.