Gáfu Fjallabyggð málverk eftir Sigurjón Jóhannsson

Hjónin Baldvin Júlíusson og Margrét Sveinbergsdóttir færðu Fjallabyggð að gjöf, málverk eftir listmálarann Sigurjón Jóhannsson. Myndina málaði Sigurjón árið 1988 og er hún af dreng að spranga í Siglufjarðarhöfn.
Verkið verður skráð í Listaverkasafn Fjallabyggðar og aðgengilegt til sýnis á vef safnsins.

Baldvin og Margrét flytja nú frá Siglufirði til Reykjavíkur.

Frá þessu var greint á vef Fjallabyggðar.