Fyrirtækin í Fjallabyggð – Gistihús Jóa

Gistihús Jóa er eitt af nýjum fyrirtækjum í Fjallabyggð, en gistihúsið opnaði þann 17. júní 2012 við Strandgötu 2 í Ólafsfirði og er því þriggja ára næsta sumar. Húsið sjálft hefur merka sögu og var upphaflega byggt sem pósthús og símstöð árið 1960 en færðist úr húsinu árið 2000. Eigendur gistihússins eru þau hjónin Bjarkey Olsen Gunnarsdóttir og Helgi Jóhannsson, og fóru þau í miklar endurbætur á húsinu.

Gistihús Jóa tekur 12-13 manns í gistingu en herbergin eru alls sex á 2. hæð hússins. Tvö baðherbergi eru á hæðinni og er annað þeirra með sturtu. Í öllum herbergjum er þráðlaust netsamband. Í hverju herbergi eru ný og góð rúm auk þess er fataskápur, náttborð og handlaug í öllum herbergjum. Þar sem bjart er allan sólarhringinn á Íslandi yfir sumartímann þá eru myrkvunargluggatjöld fyrri öllum gluggum.

Eigendurnir ákváðu í upphafi að tengja herbergin við sögu hússins. Öll herbergin eru parketlögð og fyrir valinu urðu þrjár gerðir af parketi sem eiga að vísa til fyrri tíma og notkunar á húsinu. Á gólfi herbergis 201 er frímerkja-parket en önnur eru með parketi sem er eins og gamlar kassafjalir með ýmiskonar stimpum. Þessi gólfefni hafa vakið mikla athygli.

Á neðri hæð hússins er var opnað kaffihúsið, Kaffi Klara þann 31. maí 2013, en þar fá gestir gistihússins morgunmat.

Frábært framtak í Ólafsfirði.

Gistihús Jóa
Gistihús Jóa og Kaffi Klara
Fjölskylduherbergið í Gistihúsi Jóa