Fréttir af Hornbrekku í Ólafsfirði

Heimsóknarreglur Hornbrekku, hjúkrunar- og dvalarheimilis í Ólafsfirði, voru hertar 24. mars síðastliðinn vegna aukningar á covid smitum í samfélaginu. Núna eru tveir nánustu ættingjar sem hafa kost á að koma í heimsókn á dag. Börn yngri en 18 ára mega ekki koma í heimsókn á Hornbrekku eins og staðan er núna, en íbúar Hornbrekku mega fara í heimsókn til ættingja.

Aðrar fréttir frá Hornbrekku:

  • Töluverð veikindi hafa verið hjá íbúum og mikið um sjúkrahúsferðir.
  • Framkvæmdir við breytingar á íbúaherbergjum ganga ágætlega. Haldið verður áfram þar til búið verður að skipta um gólfefni, fataskápa og salerni á öllum herbergjum.
  • Hjúkrunarforstjóri Hornbrekku er langt komin með undirbúningsvinnu vegna útboðs á ræstingu á Hornbrekku, en illa hefur gengið að fá afleysingu í veikindum starfsmanns í ræstingu.
  • Búið er að ráða í sumarafleysingar.
  • Hjúkrunarforstjóri er að ganga frá undanþágubeiðni frá kröfulýsingu SÍ vegna iðjuþjálfa, matartækni og næringarrekstrarfræðings.

Þetta kemur fram í nýjustu fundargerð stjórnar Hornbrekku frá 9. apríl sl.