Fréttatilkynning vegna ársreiknings Fjallabyggðar 2017

Fjallabyggð hefur lagt fram ársreikning 2017 til fyrri umræðu. Jákvæð rekstrarniðurstaða um 160 milljónir króna. Eigið fé bæjarsjóðs er 2.929 milljónir króna. Fjárfestingar á árinu 2017 voru 441 milljónir króna.

Fréttatilkynning vegna ársreiknings Fjallabyggðar 2017.

Rekstrarniðurstaða jákvæð um 160 mkr.

Ársreikningur Fjallabyggðar var lagður fram til fyrri umræðu á bæjarstjórnarfundi 2. maí 2018.

Helstu niðurstöður eru eftirfarandi:

1. Rekstrarniðurstaða bæjarsjóðs Fjallabyggðar (A+B hluti) var jákvæð um 160 mkr. fyrir árið 2017, en var jákvæð um 199 mkr. árið 2016, þrátt fyrir gjaldfærslu vegna Lífeyrissjóðsins Brúar upp á 75 millj.kr..

2. Rekstrartekjur A og B hluta námu 2.653 mkr. á árinu 2017, en voru 2.319 fyrir árið 2016. Mestu munar um að Hornbrekka var tekin inn í samstæðu Fjallabyggðar sem B-hluta fyrirtæki.

3. Rekstrargjöld ársins 2017 námu 2.483 mkr. en voru 2.108 mkr. fyrir árið 2016. Mestu munar um að Hornbrekka var tekin inn í samstæðu Fjallabyggðar sem B-hluta fyrirtæki.

4. Veltufé frá rekstri nam 471 mkr. eða 17.8% miðað við 445 mkr. árið 2016 (19.2%)

5. Skuldaviðmið er 59,0%, en var 60.7% árið 2016. Viðmið samkvæmt sveitastjórnalögum er 150%.

6. Eigið fé Bæjarsjóðs Fjallabyggðar er 2.929 mkr. eða 58.9%, en var 2.643 eða 58.2% árið 2016.

7. Ef veltufé frá rekstri væri eingöngu notað til greiðslu langtímaskulda tæki það 0,92 ár, miðað við 1 ár, árið 2016.

8. Fjárfestingar á árinu 2017 voru 441 mkr. Helstu framkvæmdir voru viðbygging við Menntaskólann á Tröllaskaga, ný líkamsrækt í Ólafsfirði , endurnýjun Bæjarbryggju, yfirlögn malbiks á götur, nýtt tjaldsvæði á Siglufirði, fráveitulagnir í báðum byggðakjörnum.

Ársreikningurinn sýnir að fjárhagsstaða bæjarsjóðs er sterk og rekstur sveitarfélagsins er í föstum skorðum.

Gunnar Ingi Birgisson
bæjarstjóri