Fræðslufundur foreldra barna í Grunnskóla Fjallabyggðar

Fræðslufundur fyrir foreldra barna í Grunnskóla Fjallabyggðar var haldinn í síðustu viku. Fundurinn gekk vel mættu um 30 foreldrar til að hlusta á þrjá mismunandi fyrirlestra.

Ríkey skólastjóri Grunnskóla Fjallabyggðar kynnti Skólapúslinn fyrir foreldrum og fjallaði um helstu niðurstöður úr nemendakönnun í haust. Valdís Guðbrandsdóttir iðjuþjálfi og verkefnisstjóri Uppbyggingarstefnunnar í Dalvíkurskóla fjallaði um Uppbyggingarstefnuna, hugmyndafræði og foreldraþátt og uppbyggingarteymi Grunnskóla Fjallabyggðar sagði frá því sem unnið hefur verið í skólanum.

Að lokum fjallaði Guðný Jóna Þorsteinsdóttir náms- og starfsráðgjafi um skólaforeldra, hvernig foreldrar geta stutt við nám barna sinna og átt árangursríkt samstarf við skólann.

Heimild: Fjallaskolar.is