Formlegri leit verið hætt

Formlegri leit að Grétari Guðfinnssyni, 45 ára gömlum manni frá Siglufirði, hefur verið hætt. Hans hefur verið saknað síðan 6. febrúar. Þetta kemur fram á Rúv.is kl. 13:47 í dag.

Að sögn lögreglunnar á Siglufirði munu björgunarsveitarmenn halda áfram leit á litlum bátum meðfram fjörum þegar til þess viðrar og mannskapur fæst til. Um 60 manns leituðu að Grétari í gær en leitin bar ekki árangur.

Heimild: ruv.is