Fjórir Íslandsmeistaratitlar til Skíðafélags Ólafsfjarðar

Fyrstu keppni í alpagreinum og skíðagöngu á Skíðamóti Íslands er lokið en keppt var á Dalvík og í Ólafsfirði. Upphaflega átti að keppa í stórsvigi í dag en því var breytt í svig vegna veðurs. Því verður keppt í stórsvigi á morgun, sunnudag. Þá hefur verið ákveðið að seinka keppni, sem mun hefjast kl. 12.00.

Í skíðagöngunni sigruðu Árni Helgason og Svava Rós Kristófersdóttir nokkuð óvænt í flokki 13-14 ára og Silja Rún Þorvaldsdóttir varð þriðja í sama flokki. Afmælisbarn dagsins, Elsa Guðrún Jónsdóttir varð svo þriðja í kvennaflokki sem gengu 5 km. Á morgun hefst keppni í skíðagöngu með hefðbundinni aðferð kl. 12:00 í Tindaöxl í Ólafsfirði. Önnur úrslit í skíðagöngunni má sjá hér.

Í kvennaflokki í svigi sigraði Hólmfríður Dóra Friðgeirsdóttir, Ármanni eftir spennandi keppni. Að lokinni fyrri ferð var Elín Van Pelt, Víking, í fyrsta sæti og Jóhann Lilja Jónsdóttir, SKÍS, í öðru sæti. Hólmfríður Dóra var í þriðja sætinu en þí einungis 0,57 sekúndu á eftir Elínu. Hólmfríður Dóra átti virkilega góða seinni ferð og náð besta tímanum sem dugði til sigurs. Elín Van Pelt endaði í öðru sæti og Jóhann Lilja Jónsdóttir í því þriðja.

Í karlaflokki sigraði Matthias Kristinsson frá Skíðafélagi Ólafsfjarðar. Matthias var með besta tíman í báðum ferðum og sigraði með 0,75 sekúndna mun. Þess má geta að Matthias er sonur Kristins Björnssonar, sem gerði garðinn frægan í heimsbikar hér á árum áður. Í öðru sæti var Jón Erik Sigurðsson, Fram, og í þriðja sæti var Björn Davíðsson úr Breiðablik.

Elín Elmarsdóttir Van Pelt og Matthias Kristinsson sigruðu í 16-17 ára flokkum og Björn Davíðsson í 18-20 ára flokki drengja, en hjá stúlkunum náði engin að ljúka keppni.

Öll úrslit er hægt að sjá hér í mótakerfinu.

Kvennaflokkur
1. Hólmfríður Dóra Friðgeirsdóttir – ÁRM
2. Elín Elmarsdóttir Van Pelt – VÍK
3. Jóhann Lilja Jónsdóttir – SKÍS

Karlaflokkur
1. Matthias Kristinsson – SÓ
2. Jón Erik Sigurðsson – Fram
3. Björn Davíðsson – BBL

18-20 ára drengir
1. Björn Davíðsson – BBL
2. Gauti Guðmundsson – KR
3. Jón Hákon Garðarsson – BBL

16-17 ára stúlkur
1. Elín Elmarsdóttir Van Pelt – VÍK
2. Jóhanna Lilja Jónsdóttir – SKÍS
3. Signý Sveinbjörnsdóttir – ÍR

16-17 ára drengir
1. Matthias Kristinsson – SÓ
2. Jón Erik Sigurðsson – Fram
3. Stefán Gíslason – ÍR