Fjallabyggð útvegar grunnskólabörnum ritfangapakka

Grunnskóli Fjallabyggðar afhendir nemendum ritfangapakka að gjöf frá Fjallabyggð við skólabyrjun haustið 2019. Ætlast er til þess að nemendur í 1.-5. bekk geymi og noti ritföngin í skólanum og fá þau körfu undir þau.

Nemendur í 6.-10. bekk halda utan um þessi ritföng sjálf. Glatist eða skemmist þessi ritföng þurfa foreldrar að útvega önnur í staðinn. Ritfangapakkinn er svipaður milli árganga og felur í sér skriffæri, stíla-og reikningsbækur, skæri, teygjumöppu, tréliti, reglustikur o.s.frv. eftir þörfum hvers árgangs. Það sem er ekki í pakkanum þurfa foreldrar að útvega.

Eftirfarandi gögn þurfa foreldrar að útvega:

5.-7. bekkur:
Vasareiknir

8.-10. bekkur
Vasareiknir, hringfari.