Ríkisstjórnin hefur úthlutað rúmum 90 milljónum til lýðheilsu- og forvarnaverkefna til 139 verkefna og rannsókna. Við auglýsingu eftir umsóknum árið 2017 var meðal annars lögð áhersla á aðgerðir til eflingar geðheilsu, forvarnir gegn sjálfsvígum, áfengis-, tóbaks- og vímuvarnir og verkefni sem beinast að minnihlutahópum til að stuðla að jöfnuði til heilsu. Fjallabyggð hlaut 350 þúsund króna styrk fyrir verkefnið Heilsueflandi samfélag.
Markmið lýðheilsusjóðs er að stuðla að heilsueflingu og forvörnum ásamt því að styrkja lýðheilsustarf sem samræmist markmiðum laga um landlækni og lýðheilsu.
