Fjallabyggð afhenti styrki til menningarmála

Fimmtudaginn 18. mars sl. var Jón Þorsteinsson útnefndur bæjarlistamaður Fjallabyggðar árið 2021. Er það í tólfta sinn sem bæjarlistamaður er útnefndur í Fjallabyggð.  Athöfnin fór fram í Menningarhúsinu Tjarnarborg í Ólafsfirði og voru á sama tíma afhentir formlega styrkir til menningarmála, reksturs safna og setra og styrkir til hátíðarhalda fyrir árið 2021. Í venjulegu árferði eru haldnar margar hátíðir í Fjallabyggð og eru þessir styrkir lykilatriði fyrir þau félög sem halda hátíðir í sveitarfélaginu.

Ólafur Stefánsson formaður markaðs- og menningarnefndar setti hátíðina og Linda Lea Bogadóttir markaðs- og menningarfulltrúi flutti ávarp, afhenti styrkina og  bæjarlistamanni viðurkenninguna.

Í ár voru úthlutaðir styrkir til menningarmála að upphæð kr. 9.232.000.- og skiptast þeir þannig: Í flokki einstakra menningartengdra verkefna kr. 2.700.000.-   Styrkir til reksturs safna og setra kr. 2.950.000.-  og styrkir til hátíðahalda kr. 3.050.000.-

Við athöfnina voru flutt glæsileg tónlistaratriði.  Fram komu dúettinn Edda Björk Jónsdóttir sópran og Elías Þorvaldsson píanóleikari, bæjarlistamaður ársins 2020. Fluttu þau tvö lög. Þá kom tónlistarhópurinn Gadus Morhua Ensemble fram og flutti sex lög. Hópinn skipa þau Eyjólfur Eyjólfsson, Björk Níelsdóttir og Steinunn Arnbjörg Stefánsdóttir. Eyjólfur er einnig fyrrum nemandi Jóns Þorsteinssonar.

Að lokinni athöfn bauð Fjallabyggð gestum upp á léttar veitingar.

Kynning á verkefnum sem hlutu styrki: