Fiskitæknibraut í boði í MTR í Fjallabyggð

Tilkynning frá MTR:

Kennsla í fisktækni í Menntaskólanum á Tröllaskaga hefst haustið 2012.

Áhersla verður lögð á íslenskan sjávarútveg sem eina af undirstöðu atvinnugreinum Íslendinga og mikilvægan þátt í menningu okkar og arfleið. Í náminu verður auk kjarnagreina boðið upp á áfanga í sjávarútvegsfræðum, vinnuvistfræði, námstækni og rekstri fiskvinnslufyrirtækja. Þá er lögð rík áhersla á vinnustaðanám og tengsl við fyrirtæki og stofnanir. Hægt verður að velja áfanga í sjávarlíffræði, umhverfisfræði og matvælafræði. Í boði verður námsleið til stúdentsprófs ásamt styttri námsleið til framhaldsskólaprófs.

Námið leggur góðan grunn fyrir starfsfólk í fiskiðnaði en einnig þá sem vilja undirbúa háskólanám og veitir þjálfun til fjölbreyttra starfa sem tengjast sjávarútvegi.

Nánari upplýsingar um námið veitir Anna María Jónsdóttir sjávarútvegsfræðingur sem er verkefnisstjóri námsins.

Heimild: www.mtr.is