Hanna Sigríður Ásgeirsdóttir hefur nýlokið námi sínu í miðlun og almannatengslum við Háskólann á Bifröst og rannsakaði fyrir lokaverkefni sitt áhrif síldarstúlkna á jafnréttis- og kjarabaráttu kvenna. Hanna Sigga kynnir rannsókn sína og lokaverkefni á fundinum, þann 5. nóvember næstkomandi.
Sjálf er Hanna Sigga af síldarstúlkum komin og bregður sér sjálf í líki einnar slíkrar á reglulegum síldarsöltunum á planinu við Róaldsbrakka og stendur rannsóknarefnið henni því nærri.
Áhugasamir hvattir til að sækja fundinn, sem fer fram laugardaginn 5. nóvember kl. 13:00 í Bátahúsi Síldarminjasafnsins á Siglufirði.
