Berjadagar í Ólafsfirði


Event Details


Berjadagar í Ólafsfirði verða haldnir dagana 1.-4. ágúst 2019. Alla dagskrá má finna á vef hátíðarinnar, http://berjadagar-artfest.com/

Dagskráin 1.-4. Ágúst

Fimmtudagur 1. ágúst kl. 20 – Ólafsfjarðarkirkja

Fyrri upphafstónleikar – Fagurt syngur svanurinn

Spilmenn Ríkínis: Örn Magnússon, Marta Guðrún Halldórsdóttir, Halldór Bjarki Arnarson og Ásta Sigríður Arnardóttir.

 Fimmtudagur 1. ágúst kl. 22 – Menningarhúsið Tjarnarborg

Seinni upphafstónleikar – Brasilískt!

Listamenn: Femke Smit, Rodrigo Lopes, Rodrigo Guito Thomas og Stefán Daði Ingólfsson.

 Föstudagur 2. ágúst kl 20 – Ólafsfjarðarkirkja

Hátíðarkvöld í kirkjunni

Listamenn: Elmar Gilbertsson söngur, Hanna Þóra Guðbrandsdóttir söngur, Hugi Jónsson söngur, Elfa Dröfn Stefánsdóttir söngur, Jón Þorsteinsson söngur, Ólöf Sigursveinsdóttir selló, Páll Palomares fiðla og David Bollen píanó.

 Föstudagur 2. ágúst kl. 22:30 – Safnaðarheimili Ólafsfjarðarkirkju

Miðnæturtónleikar – Hundur í óskilum

Listamenn: Hjörleifur Hjartarson og Eiríkur Stephensen.

Laugardagur 3. ágúst kl. 10:30-11:30 – Ólafsfjarðarkirkja

Krákan situr á steini: Komdu að syngja og dansa við norræn þjóðlög!

Tónlistarsamverustund með Diljá Sigursveinsdóttur fyrir börn, unglinga, foreldra, afar og ömmur.

 Laugardagur 3. ágúst kl. 12:00

Göngutúr frá Kleifum inn í Árdal

María Bjarney Leifsdóttir leiðir gesti inn í leyndardóma hinnar töfrandi flóru Ólafsfjarðar.

 Laugardagur 3. ágúst kl. 15:30 – Dvalarheimilið Hornbrekka

Söngstund í Hornbrekku

Venju samkvæmt flytja listamenn úrval af dagskrá Berjadaga. Sópransöngkonan Hanna Þóra Guðbrandsdóttir heimsækir Hornbrekku að þessu sinni ásamt Sigursveini Magnússyni píanóleikara.

Laugardagur 3. ágúst kl. 20:00 – Menningarhúsið Tjarnarborg

Ítalskt og rússneskt óperukvöld – Íslenskt einsöngvaralið um Verslunarmannahelgina!

 

Tónlistarhátíðin Berjadagar fer fram í Ólafsfirði í Fjallabyggð 1.-4. ágúst næstkomandi, haldin í tuttugasta og fyrsta sinn. Hátíðin fer af stað fimmtudaginn 1. ágúst með kraftmiklu upphafskvöldi. Kvöldið hefst með íslenskum þjóðlögum og hljóðfæraslætti Spilmanna Ríkínís í kirkjunni. Því næst rölta gestir saman yfir í hljómleikasal Menningarhússins þar sem haldið verður áfram inn í norðlenska nótt með bæjarlistamönnunum Guito og Rodrigo sem leiða brasilíska hljómsveit Berjadaga. Ópera í sviðsuppfærslu verður flutt í fyrsta sinn í Ólafsfirði laugardagskvöldið 3. ágúst og markar tímamót. Ekki má heldur missa af hátíðarkvöldi með Bjarna Frímanni Bjarnasyni 2. ágúst. Sem fyrr verður gengið með heimamanni inn í dal til að leggjast í móinn og tína fjallagrös, göngutúr sem fjölskyldan getur notið saman í kyrrð og fegurð fjarðarins. „Brunch“ með djassívafi á Kaffi Klöru slær botninn í helgina.

Fjöldi listamanna kemur fram á Berjadögum 2019. Þeir  eru meðal annars Jón Þorsteinsson, Bjarni Frímann Bjarnason, Sigrún Pálmadóttir, Elmar Gilbertsson, Femke Smit, Jana Salóme Ingibjargardóttir, Ágúst Ólafsson, Hugi Jónsson, Elfa Dröfn Stefánsdóttir, Hanna Þóra Guðbrandsdóttir, Gunnar Guðbjörnsson, Helga Rós Indriðadóttir, Nathalía Druzin Halldórsdóttir, Ása Fanney Gestsdóttir, Edda Björk Jónsdóttir, Halla Ólöf Jónsdóttir, Páll Palomares, Ólöf Sigursveinsdóttir, Örn Magnússon, Marta Guðrún Halldórsdóttir, Halldór Bjarki Arnarson, Ásta Sigríður Arnardóttir, Diljá Sigursveinsdóttir, Sigursveinn Magnússon, Sigrún Valgerður Gestsdóttir, tvíeykið Hundur í óskilum skipað Hjörleifi Hjartarsyni og Eiríki Stephensen, brasilíska bandið með Rodrigo Lopes, Rodrigo Guito Thomas og Stefáni Daða Ingólfssyni, og að venju leiðir María Bjarney Leifsdóttir gönguna inn Árdalinn.

A4poster 2019