Erlendur skíðamaður slasaðist skammt frá Ólafsfirði

Um hádegisbil í dag var tilkynnt um erlendan ferðamann sem að hafði farið upp frá Vermundarstöðum skammt frá Ólafsfirði á fjallaskíðum og hugðist sá skíða niður. Þegar hann hafði ekki skilað sér niður á áætluðum tíma var haft samband við Neyðarlínu og voru viðbragsaðilar ræstir út. Björgunarsveitir hófu strax leit á svæðinu og var aðgerðastjórn á Akureyri virkjuð. Um klukkan 14:30 tilkynnti björgunarsveit að þeir væru búnir að finna manninn ofarlega í fjallendi. Beðið var um útkall á þyrlu landhelgisgæslunnar og var maðurinn hífður upp í þyrluna þegar hún kom og fluttur brott af vettvangi á sjúkrahús.

Björgunarsveitir á svæðinu ásamt sjúkraflutningsmönnum og lögreglu tóku þátt í leitinni. Aðstæður á vettvangi voru erfiðar en mjög bratt er á svæðinu þar sem að maðurinn fannst. Veðurskilyrði voru góð og gekk vel að koma manninum upp í þyrluna.

Lögreglan á Norðurlandi eystra greindi frá þessu.