Enn leitað eftir dagforeldrum í Skagafirði

Fjölskyldusvið Sveitarfélagsins Skagafjarðar leitar eftir samstarfi við aðila sem gætu hugsað sér að taka börn í daggæslu á einkaheimili á Sauðárkróki eða næsta nágrenni. Sveitarfélagið hefur samþykkt hækkun á niðurgreiðslum og reglur sem fela í sér tekjutryggingu og þannig aukið atvinnuöryggi dagforeldra. Sveitarfélagið vill leita frekari leiða til að gera starfið meira aðlaðandi.

Dagforeldrar eru sjálfstætt starfandi verktakar sem taka að sér daggæslu barna á heimili sínu. Félags- og tómstundanefnd veitir starfsleyfi að vissum skilyrðum uppfylltum og Fjölskyldusvið annast niðurgreiðslur vistgjalds, veitir dagforeldrum ráðgjöf og stuðning og sinnir eftirliti með starfseminni eins og kveðið er á um í reglugerð velferðarráðuneytisins nr. 907 frá árinu 2005.

Nánari upplýsingar  veitir Gunnar Sandholt, félagsmálastjóri í síma 4556000 eða með tölvupósti sandholt@skagafjordur.is.