Klukkan 11:00 í dag lauk atkvæðagreiðslu um frekari verkfallsaðgerðir BSRB félaga um allt land vegna kjaradeilu BSRB við sveitarfélög landsins. Meðal sveitarfélaga á Norðurlandi eru Skagafjörður, Fjallabyggð, Dalvíkurbyggð, Norðurþing og Akureyri.
Um er að ræða starfsfólk leikskóla, sundlauga- og íþróttamannvirkja, bæjarskrifstofa, hafna, þjónustumiðstöðva og áhaldahúsa svo eitthvað sé nefnt en mismunandi er eftir sveitarfélögum hvaða hópar leggja niður störf á hverjum tíma. Um er að ræða ótímabundið verkfall hjá sundlaugum og íþróttamannvirkjum um allt land.
Verkfallsboðun um frekari aðgerðir var samþykkt með yfirgnæfandi meirihluta í 29 sveitarfélögum, og eru þau eftirfarandi:
| Akranes Akureyri Árborg Bláskógarbyggð Borgarbyggð Dalvíkurbyggð Fjallabyggð Grindavík Grímsnes- og Grafningshreppur Grundafjarðarbær Hafnarfjörður Hveragerði Ísafjarðarbær Kópavogur Mosfellsbær Mýrdalshreppur Norðurþing Rangárþing Eystra Rangárþing Ytra Reykjanesbær Seltjarnarnes Skagafjörður Snæfellsbær Stykkishólmur Suðurnesjabær Vestmanneyjar Vogar Ölfus |
Á mánudaginn hófust verkföll í Kópavogi, Garðabæ, Mosfellsbæ og á Seltjarnarnesi og á mánudag bætast við sex sveitarfélög til viðbótar og koll af kolli. Aukinn þungi færist því í aðgerðir eftir sem líður ef ekki næst að semja.
