Elkem kaupir grisjunarvið úr Vaglaskógi næstu 10 árin

Elkem á Grundartanga hefur verið stærsti kaupandi viðar úr íslenskum skógum undanfarin ár. Verksmiðjan nýtir viðinn sem kolefnisgjafa í kísilvinnslu sinni.   Í júlí 2009 samdi Elkem  við Skógrækt ríkisins um kaup á þúsund tonnum af grisjunarvið til framleiðslutilraunar sem ætlað var að leiða í ljós áhrif fersks trjáviðar með berki á rekstur ofna verksmiðjunnar og á gæði framleiðslunnar. Útkoman úr tilrauninni var með ágætum og nú hefur verið gerður samningur til næstu 10 ára við Elkem. Afhenda á 1200 tonn á næsta ári en afhendingin fer svo stigvaxandi og á að ná 2400 tonnum á ári í lok samningstímabils.

Myndin hér fyrir neðan var tekin á Vöglum í Fnjóskadal föstudaginn 4. janúar 2013, en þá fór fyrsta sending þaðan í Elkem. Farmurinn var aðallega stafafura en þó eitthvað af lerki og rauðgreni.  Magnið var 70 rúmmetrar staflað en  40 rúmmetrar fast og vó um 29 tonn.

Grisjunarviður úr Fnjóskárdal farmur_ur_fnoskadal farmur_ur_fnoskadal2

Heimild: www.nls.is