Éljagangur og snjókoma eykst með kvöldinu Norðanlands

Fram á kvöldið ágerist éljagangur og snjókoma Norðanlands, einkum á svæðinu frá Vatnsskarði og Þverárfjalli í vestri, austur um í Þistilfjörð og á Vopnafjarðarheiði í austri. Hvöss NV-átt og takamarkað skyggni og í því sambandi er sérstaklega talað um Vikurskarð og veginum um Mývatns- og Möðrudalsöræfi.  Á láglendi verður víðast um að ræða blautan snjó eða krapa og ágætt að hafa í huga að lítið eitt hlýnar í veðri síðar í kvöld og nótt. Á Vestfjörðum og við Húnaflóa og þ.m.t. á Holtavörðuheiði er ekki útlit fyrir éljagang sem heitið getur og vindur verður að auki fremur hægur á þeim slóðum.

Færð

Á Vestfjörðum eru hálkublettir á flestum fjallvegum.
Norðvestanlands eru hálkublettir á Öxnadalsheiði og á Víkurskarði. Hálka er á Siglufjarðarvegi og snjóþekja ásamt éljagang á Þverárfjalli.
Á Norðausturlandi er hálka, hálkublettir og éljagangur. Snjóþekja er þó á Hólasandi.
Á Austurlandi eru hálkublettir á Möðrudalsöræfum og hálka og skafrenningur á Hellisheiði eystri.

Upplýsingar frá Vegagerðinni.