Eldurinn í Sæplast olli minniháttar skemmdum

Eldur kom upp í verksmiðju Sæplast á Dalvík í vikunni.  Starfsmenn voru við framleiðslu á einangruðum plastkerum þegar eldurinn kom upp. Við nánari skoðun kom eldurinn upp ofan á einum ofninum í rafmagnsköplum og náðu starfsmenn að slökkva eldinn áður en slökkvilið kom á vettvang. Allt tiltækt slökkvilið var kallað út og ljóst er að minniháttar skemmdir urðu á ofninum en mildi þykir að eldurinn náði ekki að læsa sig í loftklæðningu verksmiðjunnar.  Farið verður strax í að yfirara hvað gerðist og vinna að viðgerðum til að framleiðslan geti haldið áfram.