Eiríkur Ingi farinn frá KF

Knattspyrnumaðurinn Eiríkur Ingi Magnússon hefur sagt skilið við Knattspyrnufélag Fjallabyggðar og gengið til liðs við 1. deildar lið Leiknis. Eiríkur er uppalinn hjá KF og hefur leikið 88 leiki fyrir KF og KS/Leiftur og skorað 4 mörk. Hann hefur verið lykilmaður hjá KF undanfarin tvö ár en var með lausan samning. Hann gerir tveggja ára samning við Leikni.