Dalvíkurskóli safnaði fyrir UNICEF

Nýlega hljóp Dalvíkurskóli til styrktar UNICEF, Barnahjálp Sameinuðu þjóðanna, en þetta er fimmta árið í röð sem Dalvíkurskóli safnar fé fyrir þennan góða málstað.

Börnin í skólanum safna áheitum fyrir hvern hring sem hlaupinn er á íþróttavellinum.  Vel hefur gengið að safna þar sem margir góðir hlauparar eru í skólanum.  Nemendurnir skólans fengu kynningu á starfsemi UNICEF og hvernig söfnunarféð nýtist öðrum börnum.